[color=#ff0066]قالو زمــان : *** الفياق بكري بالدهب مشري ***
قولة تدل على اهمية الفياق بكري و ماله من فوائد
قولة ماكاينش لي عرف ليها قد شي ناس ...فالوقت لي كانو ولاد الشعب
كيجاهدوا و قاومو الاستعمار وحدين سيفطو ولادهم ايقراو في فرنسا حيت كانوا
عارفين واحد النهار هاد القطيع خاصو لي غادي يسوقوو....
لقاوها واجدة دجاجة بكامونها فعاتو في الارض طغيانا و فسادا
دليلهم على دلك ""لي تبطر على النعمة ايحاسبو الله""
قالو زمــــان ***اللي ماعندو فلوس كلامو مسوس و جلاسو بين الناس خسارة***
المسؤولين ديالنا فهموها مزيان اوعرفو بقيمتها جمعوا الفلوس بيديهم اوبرجليهوم
حتى احلامنا و الاشياء لي ملك الشعب طمعو فيها حتا كرة القدم المتنفس الوحيد
للشباب اغتصبوه تسيير عشوائي لا ملاعب لا مرافق التبزنيز في كل شي .
اوملي كيموت شي مسؤول اولا كيحصل في شي فضيحة الشعب مسكين كيفرح اوكيقول الله
الله الله تفكينا اوتهنينا حتى كيطلع لينا ماكفس منو حيت قالو""ماتبدل صاحب غير بماكفس منو""وزيدعلى هادا ان في الهاد البلاد المناصب
بالوراثة ""تبع حرفة بوك لا يغلبوك ""
قالوا زمــــان *** ماعند الميت مايدير قدام غسالو ***
هادي عارفينها و فاهمينها حنا بزاف حيت نرددها كثر من 100 مرة في اليوم
حال كوورة ديالنا اشفي العدو كنا سادة اللعبة فاصبحنا اقزام
لان المسؤولين ديالنا طمعو لينا حتى فيالمنتخب لي هو ملك 30 مليون ديال البشر
بزنزو فيه و اعتابره منجم دهب كول واحد كيشفر كيف بغا .
اوحنا : ""ماعند الميت مايدير قدام غسالو""
المنتخب شادوا واحد اقل ما يقال عليه انسان تافه و مكلخ "" لا زين لا مجي بكري""
مدرب لا يفقه في اللعبة شيئ""ناوضوها تشطح دارتها بصح""
زيدوه لعافية اجلسو كيتفرجو فيه
اوحنا ""ماعندالميت مايدير قدام غسالو""
كنمشيو لتيرانات ناشطين فرحانين ماخاصنا حتا خير ...
""كولو لعام زيـــــــــن""
وقتاش هاد الميت ايدور في غسالو و قوليه لا..لا..لا
غسلني مزيان اولا عطيني تيساع عطا الله لي غسل او عطا الله لي كيعرف ..
""لي ماشافش من عين الغربال اعمى""
كولشي طالع ليه الدم من بعد الماتش ديال زيمبابوي
كولشي بكا و كولشي مفقوس اوكلشي كيسب وعاير لينا الله
حسبنا الله ونعم الوكيــل
نختم كلامي بكلام سيادي ناس لولا و نقول
""الحنة حرشة و الحناية عمشة و العروسة فيها بوتفتاف ""
و الفاهم يفهم
[color:8952=#ff0066:8952] تحياتي